quinta-feira, 2 de junho de 2011

Sumara, badiu


Ai badiu, undi qui bu sta
Qui silencio toma conta tchada
Nem um gargalhada
Qui fari um djatu
Nem um bençon
Qui fari respetu
Nem um reça
Qui fari missa
//
Ai badiu, farti sodadi nho
Odju francu, sem falsidadi
Odju bunitu ta spia pa ceu
Odju nocenti, cima 1 de junhu
Odju di curagi, moda raboita di riberão manel
//
Ai badiu, pa undi qui bu bai
Na meiu di sucuru
Na meiu tempu di sperança
Ta viaja na ceu
Ta pisca strela cu mo
Beja lua na boca
Conquista sol cu charmi
Viaja pa mundu cu asa insular
//
Ai badiu, abo é ca icaru
Bu asa é forti
Bu curaçon é tamanhu
Bu sorrisu é grandi
Bu corpu é balenti
Janota moda principi
Abri bu castelu pa tempu
Viaja pa cidadi velha
Pergunta mamai velha
Abo é quenha
Spia pa cidadi
Bu ta tem risposta

0 comentários:

Enviar um comentário